وتمت الزياره بحمد لله

**العاشقة للفردوس** · منذ /07-03-2009, 01:23 AM

اولا: اود ان اشكر كل من شارك فى هذه الزياره سواءا بالمشاركه الفعليه او حتى بالنيه
وان شاء الله لسه الفرص كتير لكل من لم يستطع المشاركه فى هذه الزياره

نتكلم عن الزياره بقى

والله مش عارفه اقول ايه ولا ايه

احساس جميل جدا لما تعمل خير ..... بس بيختلف درجته حسب نوع الخير اللى بتعمله
اه بتحس براحه ف كل عمل خير
بس مع الاطفال بجد احساس مختلف تماما
رضا ربنا مع احساس بالراحه مع الفرحه واللعب والضحك ونسيان الهموم والمشاكل والاقدام على الحياه بشكل غريب

*******************
النهارده كانت اول زياره لفريق حلم حياتنا بصفة الفريق
تجمع البنات وتجمع الشباب وذهبنا لقضاء يوم من احلى الايام مع الاطفال هناك
بجد بسم الله ما شاء الله اطفال زى العسل اتعلقنا بيهم اوى وهم اندمجوا معانا بسرعه
لعبنا كتير وضحكنا بجد من جوانا
الواحد بينسى الدنيا كلها وكانه ف عالم تانى لما يندمج مع طفل منهم

المشكله الكبرى ف اليوم دا
هى استحواذ الشباب على الاطفال ولكن لن ننكر جهود البنات المستميته لسحب الاطفال وزرع الافكار العدوانيه تجاه جانب الشباب
كما حاولنا نحن ( البنات يعنى) جذب الاطفال بشتى الطرق الا وهى المصاصات والبلالين
ولكن باءت كل المحاولات بالفشل
كانوا بياخدوا البالونات والمصا صات ويجروا عند الشباب برضه
ولكن بالعنف تم حل الموضوع وتم تصوير الاطفال معنا رغما عنهم
كمان الحمد لله كان اى طفل بيجى جهة البنات كان بيتم محاصرته رغما عنه وتلاقى سور من البنات اتبنى قدامه علشان نحجبه عن الشباب خالص وتم الحصار للعديد منهم ولكن سرعان ما يزول الحصان ويرجع الوضع على ما هو عليه

طيب سيبكم من المشاكل دى كلها انا كنت بافضفض بس معاكم وحاولت اوصلكم جزء من المعاناه
المهم يعنى ان اليوم كان جمييييييييييييييييييييييييييل
وربنا يتقبله منا جميعا
وان شاء الله يبقى العدد اكبر المره القادمه وعدد الاطفال يكون اكبر لكى نتفادى جدوث مثل هذه الحروب

**اسلام أيمن** · منذ /07-03-2009, 01:37 AM

هو انا كنت في مكان تاني ولا ايه؟؟؟
ده انتم اللي كنتم مستحوذين عليهم على طول
ده انا بالعافيه عرفت اقعد شويه
احب اقول ان الموضوع ده معمول لتضليل الرأي العام فقط لا غير

جد شويه بقى
اليوم كان جميل جدا جدا الحمد لله
و الواحد كان مبسوط اوي بالاطفال و بالجو العام عموما و ان شاء الله يبقى في زيارات تانيه كتير

توقيع اسلام أيمن :

**ENG_ROMA** · منذ /07-03-2009, 02:21 AM

طبعا ياسمسم للاسف شاركت بالنيه بس و ان شاء الله تتعوض المرات القادمه
وبعدين خدي هنا يعني انتو بتزورا ولاد تجيبي مصاصات و بلونات انتي بتهزري دول عشان يتعاملو معاكم تجيبي بمب و صواريخ العاب عنيفه ماهو عشان كدة كانو مع الصبيان
وواضح من الصور ان الاطفال هما فعلا اللي كانو مبسوطين "بتضحكوا علي العيال و تتمرجحوا انتو "

عموما يارب تنالو اجرها وربنا يجمعنا دايما في الخير و ان شاء الله الزيارات الجايه تبقي احسن من انهاردة "عشان هكون معاكو"

توقيع ENG_ROMA :

**Kate** · منذ /07-03-2009, 02:50 AM

كده تفضحي سر اللخلطه
احنا اتشوهنا منك يا بنتي
بجد كان يوم حلو رغم ان الشباب اخدوا الاطفال يارب تتكرر تانى لان الاطفال دول كانوا سكر اوى

توقيع Kate :

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[/center]

**yoaa** · منذ /07-03-2009, 05:40 AM

ايوة فعلا يا اسماء عندك حق مكناش لاقين اطفال تقعد معانا خالص
ولو جه طفل واحد بيكون حوليه فوق 5 بنات فبيتخد ويجرى
بس بجد كان يوم حلو اووووووووى ويارب نكررها تانى ان شاء الله

**mony@** · منذ /07-03-2009, 07:45 AM

بجد بجد كانت زياره حلوة اوووى وكلنا فرحنا جدا بالاطفال العسولين اوى دول
يارب نكررها كتير كده ان شاء الله بس ساعتها بقى ياأسماء هنروح احنا البنات بس عشان نتفادى اللى حصل ده لان فعلا الولاد كانوا مستحوذين عليهم طبعا ماهما بيغروهم بالكورة وباقى الوسائل
بس فلا كان يوم حلو اووووى

**عاشقة الرحمن** · منذ /07-03-2009, 08:33 AM

فعلا كان يوم أكثر من رائع وكنت مبسوطه جدا ولا كأني مطبقه بقالي يومين اساسا ونسيت كل التعب ولعبت معاهم كتير بس طبعا روحت نمت من ساعتها ولسه صاحيه حالا بس فعلا والله عيال زي العسل واحساس أكتر من رائع لما كنا بنلعب معاهم بس ده طبعا في الكام دقيقه اللي بيجولنا فيهم

وع فكره كلام أسماء صح يا اسلام وأنتم كنتم مستحوذين علي الأطفال بشكل عجيب والموضوع يكشف الحقيقه ولا يضلل الرأي العام ولا حاجه هههههههههه
انها الحقيقه يا سيدي مع أن مكنش معاكم بلالين ولا مصاصه مش عارفه كانوا بياخدوا الحاجات ويروحوا لكم ليه

والصور يا جماعه اللي أنتم حاطينها بتوضح أننا كنا جايين لهم علشان يمرجحونا مفيش صور فيها انتم بتمرجحوهم ولا ايه
وبعدين عبد الكريم قال محدش يحط صور للأطفال علي المنتدي

وطبعا أجمد حاجه خناك كانت المتاهه دي دخلت أنا والأطفال ومي ولبني فيها علشان نلاعبهم وناخدهم شويه من الولاد والحمد لله هما سبقونا طبعا واحنا دماغنا كل دقيقه طاااااخ في المتاهه لحد الحمد لله مخرجنا بسلام

والله أنا عايزه أقول حاجات كتيييييييييييييير بس كفايه كده وان شاء الله نبقي نروح لهم تاني واللي مجاش المره دي ييجي المره الجايه بأذن الله

توقيع عاشقة الرحمن :

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

**alaa gabr** · منذ /07-03-2009, 03:54 PM

المشكله الكبرى ف اليوم دا
هى استحواذ الشباب على الاطفال ولكن لن ننكر جهود البنات المستميته لسحب الاطفال وزرع الافكار العدوانيه تجاه جانب الشباب
كما حاولنا نحن ( البنات يعنى) جذب الاطفال بشتى الطرق الا وهى المصاصات والبلالين
ولكن باءت كل المحاولات بالفشل
كانوا بياخدوا البالونات والمصا صات ويجروا عند الشباب برضه
ولكن بالعنف تم حل الموضوع وتم تصوير الاطفال معنا رغما عنهم
كمان الحمد لله كان اى طفل بيجى جهة البنات كان بيتم محاصرته رغما عنه وتلاقى سور من البنات اتبنى قدامه علشان نحجبه عن الشباب خالص وتم الحصار للعديد منهم ولكن سرعان ما يزول الحصان ويرجع الوضع على ما هو عليه

ايه يا عاشقه للفردوس ده انتوا كنتوا بتحاربوا والا ايه .........حاصرتوا وأسرتوا واغريتوا بالبلالين ........كسبتوا كام كام ...؟؟؟؟؟

والله .........ألله ينور عليكوايا شباب .....اكيد اليوم كان حلو وان شاء الله تبقوا فريق على كلمه واحده وهدف واحدومحدش يقدر يفككوا ابدا........وان شاء الله نساندكوا بالتشجيع والدعاء ليكوا مع انكوا مش محتاجين دعائى انتوا كفايه الخير اللى بتعملوا ده يقعدكلكوا فى عيالكوا ....ههههههههه

المهم انا زعلان انى مجتش معاكوا وزعلان اكتر ان الثواب ده راح منى ........بس فرحان من النتايج اللى قولتوا عليها دى ان الاولاد اتبصطوا وانتوا مستريحين نفسيا ........الى الامام يا فريق حلم حياتنا ........

التعديل الأخير تم بواسطة : ENG.SAMI بتاريخ 07-03-2009 الساعة 09:14 PM

**ENG.SAMI** · منذ /07-03-2009, 04:24 PM

علاء يا بؤ

انت بالذات ما تتكلمش يا ابو كورس يا عبده المهم

كل اما اقوكعلي حاجه معاكم يا كبير

وعند الجد اصل انا عندي كورس

بعد كده هانسمييك

علاء كورساااااااااااااااااااات

توقيع ENG.SAMI :

**alaa gabr** · منذ /07-03-2009, 06:40 PM

هههههههههههههههههههههههه والنبى عثل يا سامى ....ايه ياض النباهه دى ........يا بنى ادم والله اليوم ده (بالذاااااااات) كان عندى كورس ومتسألش السؤال المعتاد ...؟؟؟؟ ههههههههههه

اللى متعرفهوش انى كنت لابس وجاى معاكوا ومكونتش رايح الكورس بس الناس اتصلوا بيا وقالولى ان اليوم مهم لوووووووووز .........وبعدين هو انتوا خلاص مش هتروحوا زيارات تانيه ...؟؟؟ الزيارات جايه كتييييييييييير ..........متقلقش .....والله هتزهق منى ....

التعديل الأخير تم بواسطة : ENG.SAMI بتاريخ 07-03-2009 الساعة 09:14 PM

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري